Krihi ahjome dıkseymo Turkiya calu garbiyo du Iraq

A qoyume du gabo du Huyodo Athronoyo d’Kurdistan, tlıblın mi şultonutho du Iraq dmisım knuşyo leşan dmitahwe hfuxyo mqabıl du cboro d’Turkiya cala thume du athro.

 U koalisyon da qoyume du gabo krıhlın u hjomo dıksaymo Turkiya calu athro du Iraq u dilonoyith u hjomo dsim cali Suleymaniye.

 U koalisyon da qoyume du gabo du huyodo athronoyo d’Kurdistan dkıtne bu parlemento du athro du Iraq bi maqırhonutho dsımlın krıhlın ahjome bcelıdboboye du gayso d’Turkiya dıksoyım bgawe da thume du athro, dıkdoyış i morutho du Iraq.

A qoyume bi maqırhonuthathe sımlın qroyto lu mawtbo di mşaynutho bsurhobo dsoyım itawto laşan dmıdrış u hjomo wu dyoşo di morutho du athro mu taraf d’Turkiya. A qoyume bi maqırhonuthathe kımi; u athro du Iraq klozım howele klayto qrıhto u qşitho mqabıl ducboro wu dyoşo dıksaymo i şıltonutho du athro d’Turkiya cali morutho du athro du Iraq.

Be bzabno sımlın qrayto li wazirutho di baroyutho du athro u la mathlone dkıtla emwotho mhaydotho bu Iraq laşan dımaklın a hjome dıksaymi i şıltonutho d’Turkiya dkowın mal lu mawto da mdinoye, u lu tehriwo da dukotho du camo dıkhoye bu garbiyo du athro.