Kurdoyo hfuxyo hçomo cali qritho Baradaş
A hfuxye dımqabıl du kboşo da arcotho di qritho d’Baradaş dkıtyo bi fnitho d’Sarsıng du Qlimo d’Kurdistan du İraq kımdawmi. Bha vidyo dıfrısle farsufo kurdoyo mşihoye komır a arcotho kule du İraq da othuroye Suryoyene ucdo i şıltonutho du qlimo lık minkfo dıksyamo hawxa qatro.
İ sbuthathe du kboşo da racottho da qıryawotho du cameydan dkıtne bu qlimo du İraq u ba dukothe hrene du İraq latyo mede hatho elo u kboşano kımdawım b’şıklak mşahılfe, bhın dukotho bu zwono dba hiyal kmitahıt ido cala dukotho du cameydan, bhın dukotho xıd hawi b’Baradaş hın farsufe Kurdoye awste Caraboye bi zoriye kıbci dmaydi a arcotho du cameydan u bhın dukotho hrene ba tahdide du zayneo u bı zwono dhiyal.
Hani kule kıtlın a nişo dcıbri u cameydan dı naqıs u mınyoneyde bu athro dnofıq li golutho u tore kul mede la Ciraqoye dı latn mşihoye.
Bi sbutho d’Baradaş dhani kımdawmo 3 ışne i iqarthathe dkıtyo mi qritho d’Aqra dkıtyo sıttır me şoctho u falge rahıqto mi Qritho d’Baradaş kıbco dmahto ido cala arcotho du cameydan. Lfuth i mawdconutho dmıdlan Me Jamez Albazi dkıtwe u msawrono dımsıkwo komır i şaqrthathe da kurdoye bu şerşo me mawsalyo u latyo me Caqra elo bi şato da 1980 athın l’caqra aydarbo kibe dhowe da arcotho d’Baradaş dhowın dıde me qamayto.
Bi sbuthathe bıthır mıd frisi a tebe di sbuthathe hın ma gabe u şutose du cameydan dmahwelın hfuxye hawilan mamlo camu waziro du qlimo d’Kurdistan Ano Abduka dkıtyo ma abne du cameydan mırle i sbuthathe gıdmişroyo, calu şuwole a qatre da qıryawotho hrene du cameydan u waziro mırle hanıkste gışrinalın. Elo bi mawdconutho dmıdlan me hın ma comure di qritho u mathlone da gabe du cameydan kımmi kulnaqqa hawxa kmitahwe wacde elo mede lık mişre.
Bu sbuthathe u videyo dıfrısle ha farsufo kurdoyo Fayli komır a rişone du qlimo d’Kurdistan klozım minakfi calu mede dkowe metul dkul noşe kodıc u camo Othuroyo Suryoyeo kaldoyo u camo şerşoyo du thro du İraqyo wa camanoyo dkıtyo u moro du İraq qay Erbil dmanwa kulnoşe kodıc du camanowa ucdo ahna a kurdoye bıthır athina la dukothani ucdo kımdacina bi arcotho d’Bardaş dkıtne didan hano latyo mede dıkmitaqbıl wu fawdano da rişşone du qlimoyo latyo d’Xeyr noşe.
Kurdish man released a video in support the Assyrians of Badarash against KDP encroachment of Assyrian lands. pic.twitter.com/PLqB3ACkMz
— Robbie (@RobPutrus) May 11, 2022