Turkish Foreign Minister Mevlut Cavusoglu, left, and Russian Foreign Minister Sergey Lavrov attend a joint news conference following their talks in Moscow, Russia, Monday, Jan. 13, 2020. Foreign and defense ministers of Russia and Turkey met as part of an effort by Moscow and Ankara to sponsor Monday's talks between rival parties in Libya in the Russian capital. (AP Photo/Pavel Golovkin, Pool)
30/12/2020

Lavrov u Çavuşoğlu hawilın ytawto camhıdodhe

30/12/2020

U waziro di baroyutho d’Rusya Sergey Lavrov bi ytawto dhawile camu baramnayde dı Turkiya Mevlüt Çavuş Oğlu, drişi a sebwotho qlimoye da tre athrawotho.

 Bayn da sebwotho dıdrişi bi ytawto dhawyo b’Soçi, kito u kriz d’Suriya, u qrobo d’Qarabax, i mwatyutho du madınho du yamo Mescoyo, u kriz d’Libya wi sbutho du sistem da soruhe Rusoye d’S-400.

U waziro di baroyutho d’Rusya Sergey Lavrov bi ytawto dhawile athmıl camu baramnayde dı Turkiya Mevlüt Çavuş Oğlu bi mditho d’Soçi, mawdacle d’Mosko gıdsaymo u mede dıknofıl acla cam Anqara, laşan dmışre u kriz noşoyo b’Suriya, u mırle “kıtlan ntarto mu knuşyo dıbqamuthayna di sictho du nomuso esonoyo d’Suriya”.

Lavrov mawdacleste dıdrışle cam Çavuş Oğlu, i aykanoyutho d’Libya wu şroyo bayn da came kulle du athrano, anesore cam Qufrus, aklayotho haroye d’Ukrayna laf Rusya wi agenda di şato da 2021. Camgabıdathe, Lavrov mayadle i klayto dmahwela Turkiya bi sbutho du şroyo du kriz d’Qarabax wi mşatsonutho du qentrun mşawtıfo di şalyuthzayno, u maqrahleste dkito qyomo bayn Mosko u Anqara dlımitafıt jatawiye nuxroye lu qlimo d’Qarabax.

Megabo hreno, Mevlüt Çavuş Oğlu bu mamlo dsımle la gelyunore, makadle dı Turkiya ksındo u maşıqlo folitiqoyo hatho d’Suriya u kımaydo aknuşye di sictho mtaybonitho du nomuso esonoyo dıkmisomi b’Çenev. Çavuş Oğlu mırleste “i methcadronuthaydan cam Rusya kmamtiyo afirayda b’Qarabax, b’Libya u bu madınho du yamo Mescoyo. U bi sbutho d’Qarabax, ahna kıhzena di şalyuthzayno mafito la haye, u kıtlan sabro b’surhobo dmişatıs u qentrun mşawtıfo du duyoqo dcali şalyuthzayno. Anesoraydan cam Rusya stratijikoyene, u lıkmıhşowi esore drakiwi mdarbıd da nesore dkıtlan cam Amerika u camu Nato awste cam ayna gabo dhowe. U ahna gawonoyith krıfdina u mantıq da tedbire momunoye”.

Camgabıdathe, Çavuş Oğlu mahkele cala tedbire dmahtila Amerika cal Anqara mi celtho du şqolayda lu sistem da soruhe Rusoye d’S-400, u mawdacle du medano dyoşoyo la zedqe moruthoye dı Turkiya, u mırle “kul noşo kodıc dlıgıdmanhıtina katfo bi sbuthathe”.