Lfuth i mawdconutho dmıdlan ma comure di qritho d’Arbo, a garme wu jamjamyotho dkıtwın b’mcartho tahte du benyono di cito d’Mor Dimet, latne da Sohde du Sayfo dan 1915

ARBO / TURCABDIN – Bu tebo dmıdwolan 7 bu yarhano me ajans Kurdoyo du qlimo, mawdacwo da garme dımqafın b’mcartho tahte di arco di cito d’Mor Dimet bi qritho d’Arbo b’Turabdin mu zabno du qtolğenso dsımwola i mamlaxtho da Cuthmanoye calu camaydan’wın. Lfuth i mawdconutho dmatilan ma Arboye, u tebano latyo triso.

Mawdıc d’şroro’yo da garme u jamjamyothani ğalabe catiqe’ne elo latne d’Sohde du Sayfodan 1915, elo da mhasye di qritho’ne dmalimi u mahti tahte di arco di cito. Bebzabno mawdıc, bu zabno du Sayfo xalyowa i qritho cal da Arboye nqiwolın la qıryawotho d’Ehwo uli Harbtho leşan dımhamın ruhaye mu qatlo.

Cayni mede sımwolın ğer qıryawotho du Turo d’İzlo’ste dazzınwo mathlo li qritho d’Ciwardo. Camathe’ste an Arboye mawdace, heş bu yarho d’İlül da 2024 azzınwo a gelyunore dsımlın u tebano li qritho, u kımşayli-ara qay heş ucdo kmisım u tebano dlatyo şroro ulo sim bu zabno dkıtwın b’Arbo.