Luwis Abi Nadir mnaqe rişathro d’Dominkan

Bu athro Dominiqan dkıtyo b’Amerika i Latinoyto, mnasele ha Suryoyo Marunoyo dhowe rişathro ba ğuboye dı şaficina.

 Luwis Abi Nadir dkıtyo bu şerşeyde mu athro d’Lebnon qamır a ğuboye di rişqutnutho da Dominkan meqım ma mraşhe hrene.

 Luis Abu Nadır dkıtyo bu şerşeyde mu cameydan d’Lebnon dkıtyo Suryoyo marunoyo bu şuroyo da alfo jacmowat a jıdoneyde mgalwelın me Lebnon lu athro Dominikan, u hiye mawlıd bu athrano.

Luis dhani tarte naqat kmıştawtıf la ğuboye di rişqutnutho du athro qadır dmoyıd a qole bi sagiyutho u kmıkle dhiye howe rişqutno hatho lu athro. Abi Nadır dkıtyo b’cımro da 52 ışne mıştawtafle mu taraf du gabo dowronoyo qawmoyto du athro la ğuboye dhawin ba yamotho dı şaficina.

Bi sbuthathe u rişwazire dmeqım du athro d’Lebnon Saad Elhariri  mhanele i zoxutho d’Abu nadır dmıdla ba ğuboye du athro Dominikan dkıtyo b’Amerika i mıscoyto.