Mabde tarmitho du teltimo da imdhat laşan u qefoyo du hadomo di eqartho d’Diril
Bi sbutho di iqartho d’Diril dhawilin 90 yawme d’kıtne mwayce mabde dafo du nawlo dı mitaltım kirath idayo awkith imdat laşan i şıltonutho dı mabıdyo kroxo şariro u be bzabno dsaymi bethdino zalilo cal farsufe dkıtne bıthre di sbuthathe.
İ dafathe du nawlo dkıtyo ışma CHANGE. ORG mıqa farsufe dı kıthwi eba i imdathe haqqa gıdtıryo hboso cala mşale di şıltonutho d’Turkiya.
Bi sbutho di iqartho du kohno di cito kaldoyto du cameydan d’Stambıl Ramzi Diril mqadım sturye mşahılfe da mşale qlimoye d’Hakkari lı sımlın i wolithathe xdu mede dıklozım, mathlo lısim kroxo xdu mede dıklozım komır ha ma hadome di iqartho, u be bzabnıo lı mabdelın bethdine mane bıthre di sbuthathe.
Mawxa hın ma hadome di iqartho mabdelın dafo du nawlo dıkmalıtmi ışmone laşan dsaymi hboso cala mşale dmaydi i sbuthathe xdu mede dıklozım.
İ dafathe dımşarela athmıl mşarele u camo dmakthu ışme u dmahwe awyutho cami iqartho d’be Diril dhawilin 90 yawme mwayce elo 20 bu yarho d’Oder mqafyowa i şlado di mnohto Şmuni Diril calu nahro dkıtyo qariwo lu baytathe bi qritho d’mahre d’baytu şabab.
U talab da sayome di dafo dkul barnoşo dkıtle rığşo di noşutho modhe i dafathe laşan dılotım ışmone sagiye u bıthır dhowe hboso cala mşale di şıltonutho d’Turkiya dsaymi i wolithathe i noşoyto dımqabıl di İqartho d’b’Diril.
İ dafo du nawlo dha kibe mahwe awyutho cami iqartho d’Be Diril Change. Org yo.