Mabde tarmitho leşan u hethotho di mditho d’Nemrud bu Ciraq

NEMRUD, Ciraq – U malko di mamlaxtho dan Othuroye Ashurnasirpal, sımwole i mditathe d’Nemrud zabno arişkoyto u kıducro l’1250 uhol 610 meqım me Mşiho u kınuflo bu garbyo du Cıraq-awkith 360 kilometre mu garbyo d’Boğdod u belhude 32 kilometre mi mdito d’Mawsal bi hiğmonutho d’Ninve.

Bu zabno da ğrobe marhıbone d’Dacış cabiriwo u kbışwolın Mawsal, mabdewolın ba 2015 hamle d’qtolcamo cala athare makthabzabnoye du athro bnişo dquşci i yorutho catıqto du camaydan. İ mditathe d’Nemrud dkıtwola bu zabno di mamlaxtho dawro folitiqoyo, mharıro’wa bıthır mu gayso Cıraqoyo bi harayto da 2016 midothe d’Dacış.

Camgabe du furqoco udu tehriwo da atharani, gnıwo’ste ban alfayo dfalqe dhrene u mzabniwo ma marhıbone bu pazar komo leşan dmaqwın u momuno wa zaynathe. Bi maqırhonutho dhuwle u waziro di mardutho du Cıraq Ahmed Fakak al Badrani mahkele cala gunhani dsimi u dilonoyith cali mdito d’Nemrud u mırle; U tehriwo di mditathe, xlıqwole hfuxye Emwothoye wu tukoso d’UNESCO’ste mfaşaqwole a hçomani xıd hawbe du qrobo.

Elo bi maqırhonuthathe’ste al Badrani mawdacle, dmazıdlın ucdo a fulhonathe leşan u bnoyo u hethotho di mditathe i makthabzabnoyto ubu taro da fulhonani, malım hol 35 alfo d’falqe d’athare dıkmihathıthi b’teknoloji hatho bu snodo d’yadıcthone Emwothoye leşan dmihafıd aclaye tawtır. Lfuth u waziro Cıraqoyo, Boğdod heş lo kudco u mınyono da athare dgnıwole Dacış mi mdito d’Nemrud