03/03/2021

Macron tlıble mu İran dımşarın a bazare cali tahrazto du nukleer du İran

U rişqutno d’Fransa Emmanuel Macron tlıble mu İran dmabde insiyative leşan dımşarın a bazare me hatho cali tahrazto du nukleer du İran.

 Camgabıdathe, Paris mawdacla dıgmiqadım rmoyto d’sturyo lu İran, cal dlıkfolıh b’zalilutho camu Tukoso Emwothoyo du enerji udu Atom.

U Qusro di rişqutnutho d’Fransa, mawdacle du rişqutno Emmanuel Macron ba esore dhawile athmıl camu bar’amnayde du İran Hassan Rohani, mahwele ilo thnihuthayde cala fusqone dıkmaydo Tehran u dıkdayşo u qyomo dımdewo b’Viana ba 2015. Macron mamtele l’bole d’Rohani a fulhone dsımla Fransa cama şorikayda ba eşne dşaficina, bnişo dmımte l’şroyo ba bazare.

Mawxaste Macron makadle l’Rohani cali ulsoyutho d’baroyo dımqadım u İran insiyative qrihe, bnişo dmitabe me hatho u dialog cama gabe kulle dımdewolın u qyomo dcali tahrazto nukleer du İan.Camgabıdathe, Fransa, Britania u Almanya matın l’awyutho cal tahrazto dıkmısnodo me Amerika, bnişo dmimıd fusqono calu İran mu Tukoso Emwothoyo du Enerji udu Atomo.

Cali sbuthathe, u waziro di baroyutho d’Fransa Jean Yv Lu Drian, mawdacle dgımiqadım ba yawmotho dıbqamuthayna rmoyto lu Tukoso Emwothoyo du nukleer-İAEA leşan dmisım eba sturyo lu İran, cal dlo fayışle i methcadronutho dıkmıntarwo mene camu Tukoso. Bi şabthathe u i mdabronutho du tukoso-İAEA dgıdorış i rmoytathe, gıdmahwe ilo thnihuthayde lu İran cal dmanqasle a fulhone du duyoqo dıksaymi a mbahnone Emwothoye cali tahraztayde du nukler.

Bebzabno’ste cal d’Tehran lo fayış kımqadmo b’zalilutho lu Tukoso Emwothoyo. Meqım mathe, u notarrozo gawonoyo du Tukoso Emwothoyo Rafayel Grusi, mzaharwole dlo mitıstacımli a fulhone du duyoqo xıd warqo da bazare folitiqoye bi sbutho di tahrazto du nukleer du İran.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…