Madhlum Cabde krıhle u qatlo dsim cal eqartho kurdoyto b’Konya b’Turkiya
U rişono gawonoyo da Haylawotho d’Suriya Demoqratoyto-rabhaylawotho Madhlum Cabde, b’qaşyutho krıhle u qtolcamo dsim cali iqartho Kurdoyto bi mdito d’Konya d’Turkiya.
Calu qatlo di iqartho Dedeoğlu Cabde mırle; Bkull meltho qşitho, kımasleno u hçomo faşist dsim b’Konya. Bebzabno mawdıc, du polis Turkoyo msıkle 13 farsufe dıkmıthomi bu tuyobo du hçomano dcali iqartho Kurdoyto.
Bi maqırhonutho dhuwle u rişono gawonoyo d’QASAD-rabhaylawotho Madhlum Cabde lu tbocofroso mawdacle u hfuxyayde lu qatlo di iqartho Kurdoyto d’Dedeoğlu dıkmişaklowa me 7 farsufe; beynothaye 3 neşe, udı qtilowa yawme d’Cruto casriye me ğrob Turkoye tuhmonoye qaşye bi mdito d’Konya.
Bu mamlayde Cabde mırle; Bkull meltho qşitho, kımasleno u hçomo faşist dsımle u ğrobano wa mşaçconayde b’Konya. U qatlo di iqarthathe dmahzamwola l’Konya meqım 24 eşne, netiçe di siyase dıkmaşyo i şultonutho d’Turkiya cala Kurdoye’yo.
U rişono d’QASAD mırle’ste; Kısamno qroyto lu kenşo Emwothoyo dlo foyış şalyo u dmacle qole mqabıl di siyase faşist dıkmaşyo Turkiya cala qalilotho du athro. U qatlano di iqartho d’Dedeoğlu, xlıqle hfuxye bıgawe d’Turkiya-dilonoyith b’Konya u sim tagliyotho mqabıl d’Ankara. Elo a mtagliyone’ste laqın ba ğrobe tuhmonoye qaşye du athro.
Bebzabno dafe Kurdoye mawdaclın, dımsik holucdo 13 farsufe dıkmıthomi dhawilın sawco bu hçomano dcali iqartho ubu tewqido du baytayda. Mawdıc’ste hın ma farsufe tuhmonoye dmıştawtaflın lu hçomano şbobe di iqartho’wın. Folitiqore di şultonutho d’AKP/MHP’ste kımdacın, du hçomano latwe tuhmonoyo.