Madıryo i şultonutho du Swed bu qwolo dsim bu parlamento

Adyoma ba şoce d’Safrayto bu quwolo dhawi bu parlemento du Swed madıryo i şıltonutho du Swed dkıtyo bi rişonutho du gabo da Sosyaldemoqratoye d’Stefan Löven.

Bıthır mu qatro dımşarewole bayn lu gabo Semoloyo wa sosyaldemoqratoye cali sbutho da kırat da bote, u gabo da semoloyo mawdacwole dlı fayışle tuxlono lu rişwazşire Stefan Löven.

Bıthır mu qwolo dhawi dı xasır u gabo da sosyaldemoqratoye i şıltonutho u gabo tuhmonoyo d’SD mahwela i fishutheyda di şıltonutho dkıtyo me gabe mşahılfe bi rişonutho d’Stefan Löven dkıtyo idico lu cameydan bi sbutho mrimonitho dhawile bi sbutho du Sayfo.

Bıthır mu qatro dımşarewola bi şabtho dı fayıt bayn li rişonitho du gabo da semoloye Noşi dadgustar u lu rişwazire Stefan Löven adyoma bu quwolo dhawi u rişwazire mwayacle u tuxlono dımdabır i şıltonutho mawxa ucdo u rişwazire kıtle 7 yawme b’idothe dobe fusqono mın gıdmisim ğuboye şnize awste mişatıs şıltonutho hathto.

Bıthır mucdo a gabe du athro du Swed kulha mu gabeyde gımnase dmahwe dkıtyo i şrolutho bi xasreyde.