Madlum Cabde komer Turkiya kımdawmo a hçomayda

Bi maqırhonutho dhuwle adyawma u rişono gawonoyo da Haylawotho d’Suriya Demoqratoyto-rabhaylawotho Madlum Cabde mahkele, da hayle kaboşe d’Turkiya dıkmdawmi a cuqobathe cala dukotho di Mdabronutho yothoyto du garbyo udu madınho d’Suriya. Lfuth u mede dıkmahwe, a zalzalat qaşye 6 bu yarhano d’Şbot, lo maklelın a hçomani da Turkoye.

Wa hçomani’ste kmisomi bu zabno d’Emwotho Mhaydotho kısaymo qroyto dmitaklın a hçome wa taxtuşe b’Suriya. Mawdıc d’athmıl yawme d’Arbco mfarıqco radoyto bu madınho di Qamışli bıthır mıd tayosto dlo pilot d’Turkiya mhela eba. Bi dafayde du Twitter Cabde mırle; Bu zabnano dıkmdawım u gunho noşoyo b’Turkiya, u rejim kımdawım a hçomayde calu garbay madınho d’Suriya.

U rişono d’QASAD mawdacle, Turkiya b’thomo lo şroro, kımdawmo a camlayde a barbroye mqabıl da came du qlimo. Bu zabno du kenşo Emwothoyo kınoqıl mcadronutho lu camo sniqoyo dım’athır ma zalzalat b’Suriya u b’Turkiya, a hayle kaboşe mhelın b’radoyto da mdinoye u qtilın farsufo u mçarıh ha ma hayle di mşaynutho gawoyto bi Qamışli.

Me gabo hreno, bu bzabno d’QASAD wu koalisyon Emwothoyo kımdawmi a cuqobathe cal Dacış bu garbay madınho d’Suriya, macbır konvoy hreno rabo mu thumo d’al Walid du garbyo du Cıraq la nuqazyotho du koalisyon Emwothoyo bi Hasake. 15 bu yarhano’ste naqla hreto macbarwole u koalisyon Emwothoyo konvoy rabo lu qlimo. 

1/2
Without regard to the human tragedy that Turkey and Syria are witnessing as a result of the devastating earthquake,x which caused the loss of tens of thousands of lives, the Turkish regime continues its aggressive actions against the Kurdish people, using flimsy pretexts.

— Mazloum Abdî مظلوم عبدي (@MazloumAbdi) February 22, 2023