Mahıt ido cal arcotho di qritho di Cito

İqartho kurdoyto mahıtla ido calan arcotho di iqartho d’Şukri Altun dkıtyo mi iqartho d’Be Ağa di qritho di Cito yaste dıkmitamırla i qritho d’Be Şukro.

 İqarthathe dkıtyo mi qritho d’Gundık Hanna, mahıtla ido cal arco dkıtyo 140 dönumat dkıtyo masırto bi cito di qritho.

Isbutho du kboşo da arcotho di qritho di cito latyo mede hatho elo i arcathe dkıtyo masırto bi cito di qritho ışqath hıdo iqartho dkıtyo kurdoyto mahıtla ido acla u kzırcola u khızdola dılo mqabıl dımede.

Bi mawdconutho dmıdlan me Şukri Altun dkıtyo u moro di Arco mawdacle dıftıhle bethdino bıhaq du kboşano di arco u ktolıb da hete dı hsıdile u farsufo kurdoyo dmitahwın ele metul di arcathe eleyo.

İ arcathe dkıtyo di iqartho d’Şukri Altun kmitawmarla i arco dbıthre di cito metul a thume di arco masrene ba thume di cito.

Bıthır mi şıkuwe d’maşkele Şukri Altun athın  a haylawotho di mşaynutho bu zabno du farsufo Kurdoyo hosadwo i arco, elo lo maklelın u lo sımlın mede, u farsufano hadiro athiwo mamtele kımo hosudyotho laşan dıhosıd a hete bsurhobo dılo mitakle.

Bu mamlo dhawilan cam Şukri Altun mawdacle dkımcaqıb a u bethdino u knotır di arcathe ducro elo camu hsodo da hete dı hsidi.