Mahıt kleyotho mi şultonutho mqabıl du halxo dgımtayıb u gabo d’HDP

U gabo Demoqratoyo da Came HDP, sımle qroyto la hayle, la şutose ula gabe demoqratoye dkıtne b’Turkiya, dmıştawtfi lu halxo di demoqratoyutho dgımşare ramhıl yawme dıtre 15 bu yarhano d’Hziron.

 U halxano dkıtyo me mdinotho mşahılfe d’Turkiya l’Ankara, a hiğmune mşarelınste dmahti klayotho leşan u camo dlo mıştawtıf.

U gabo d’HDP bıthır mıd msikiwo a 2 qoyumayde Leyla Güven u Musa Faresioğuları udı zayıd uhboso cala hadomathe u dsim mamle di bcelıdbobutho udi frişutho, mhaydarlın halxo demoqaratoyo leşan dmahwın u hfuxyathe mqabıl di şultonutho, dkıtyo u mabuco da hjomani.

 Bu video dfrısle HDP bu tbocofroso, sımle qroyto lkull gabo, şutoso u haylo demoqaratoyo dmıştawtıf li hfituthathe dkıtyo leşan u terkiwo du şlomo wi demoqaratoyutho bu athro. U halxano d’HDP, a hadome wa sanodayde cama qoyume, gıdmhalxi ma mdinotho mşahılfotho du athro hol Ankara, leşan dmahwın u hfuxyathe u dmitaqimi a hçome wa hbose dıkmisomi aclaye u cala hayle hrene.

 Bıthır mi mawdconutho dhuwle u gabo d’HDP, a hiğmune wa mşale dhın mdinotho mahıtlın mnoco du nfoqo u ğer’ste mahatlın mnıclın u tuyobo da hfitwotho leşan dkloın qum di hfitutho d’HDP. Elo bi mawdconutho dhulın a mşale du gabo mawdaclın d’makde’ne dgımşarın u halxano b’dukotho ba radoyotho-mathlo cala darbone rabe.