Mahwe hfuxye mqabıl Turkiya dımqapatla a maye cali Hasake

İ mdabronutho da maye di Hasake bu garbay madınho d’Suriya, mawdacla dımşadır maye mi nuqazto d’Alhimma la şawthawotho macırboye di mditho.

 Megabo hreno, qoyumto Turkoyto bi rmoyto dımqadamla li şultonutho d’Ankara mşayela; qay Turkiya ksıxro a maye calu qlimo di Gozarto d’Bethnahrin d’Suriya.

İ rişonitho zawgoyto di mdabronutho da maye di Hasake Sozdar Ahmad bi maqırhonutho dhula li dafo d’North Press, mawdacla dımşadarlın maye mi nuqazto d’Alhimma la şawthawotho macırboye di mditho, bıthır mdımşadarwolın meqım kımo yawme maye la şawthawotho madınhoye.

Sozdar mawdaclaste di kmoyutho da maye dıkmişadro mi nuqazto d’Calok d’Rişcayno ğalabe nacımtoyo, mawxa laşanaye u mabuco rişoyo da maye i nuqazto d’Alhimmayo. Me gabo hreno i qoyumto du gabo demoqratoyo da came d’HDP  Feleknaz Uca mqadamla rmoyto lu mcadrono du rişwazire d’Turkiya Fuat Oktay dkımşaylo cali sbutho da maye di Hasake qay turkiya ksıxro amayani calu camo di gozarto d’Bethnahrin.

Bi rmoytathe Uca kımşaylo 4 şuwole mu mcadrono Fuat Oktay: Qay lıkmitahwe maye li Hasake, hol kıtxu celtho mede dbu zabnano du kewo di corona dı torutu ba mılyune camo dılo maye. Qay lıkfıthuto a pompat da maye kule di nuqazto d’Calok, kudcutu da maye lıgmote lu camo qay hawxa ksaymutu.

Lfuth u qyomo dkito klozım mitahwe maye qay lıkmitahwe fusqono me Ankarayo? En layto hawxa fusqono qay lık mitahwe maye li Hasake. Bu huthomo i qoyumto kımşaylo hol kıtxu ftakar dıfıthutu a maye lu camo di Hasake aw kıtxu hawxa fulhono mede.