Maqım Qoyumtho du Sayfo b’Berlin

Maqım qoyumtho da dıbhe du qtolğenso dsim ban 1915 calu camaydan, calan Armınoye ucala Yawnoye bi arişkoyto d’Almanya Berlin.

 İ qoyumthathe maqimo mu Tukoso du terkiwo dı qoyumtho eukmenik la dıbhe du qtolğenso dsımwola i mamlaxtho da Cuthmanoye.

 Markıw qoyumtho hreto la Sohde du Sayfo dsim calu camaydan u Suryoyo-Othuroyo-Kaldoyo, calan Armınoye ucala Yawnoye mi mamlaxtho da Cuthmanoye b’Charlottenburg b’Berlin d’Almanya. İ qoyumthatheste, maqimo mu Tukoso du terkiwo dı qoyumytho eukmenik la dıbhe du qtolğenso dsımwola i mamlaxtho da Cuthmanoye.

Bi egartho dıfriso bi sbuthathe mawdıc, du qtolğenso dsımwola Turkiya cala came Mşihoye dıkhoyanwo bi mamlaxthayda bu zabno du qrobo qamoyo dıbritho, qtılwo hol 3 milyone Armınoye, Suryoye-Othuroye u Yawnoye.

Lfuth i dafo dımşakele u tukosano leşan i qoyumtho hathto, hathe inaqla qamaytoyo dıkmitaqım qoyumtho mşawtafto la dıbhe da 3 camani. Bi dafathe, kito mawdconwotho du demoğrafi da 3 camani, i aykanoyutho sosyo-ekonomik u marduthoyo u qlimoyto da camani dıkhoyanwo bi mamlaxtho da Cuthamnoye beyn di şato 1914 u 1918.

Bebzabno kito bi dafathe mawdconwotho calu makthabzabno da came Mşihoyani dıkhoyanwo bi mamlaxtho, calu qtolğenso dsim aclaye u kitoste hezwone u surotho cala qlime dıkhoyanwo a camani ebeye.