Maqimo i hasinutho d’qoyumo Çelik

U komisyon celoyo mıdle fusqono dmitaqimo i hasinutho du qoyumo du cameydan bu parlamento d’Turkiya Tuma Çelik.

 Bıthır mu fusqonano, kmıntır ucdo u parlamento d’Turkiya dmoyıd u fusqono haroyo.

Bi sbutho du teqimo di hasinutho du qoyumo şaryo du cameydan bu parlamento d’Turkiya Tuma Çelik, hani zabno kmıdroşo bu tboco froso du athro wu ucdo u komisyon celoyo dıkmişakıl me 52 qoyume ma gabe du parlamento mıdlın fusqono dmitaqimo i hasinutho du qoyumo Tuma Çelik.

İ sagiyoyutho da 52 qoyumani du komisyonste mu gabo d’AKP d’Erdoğane. Bıthır mu fusqonano du komisyon celoyo, maslıqo i sbutho lu parlamento du athro leşan dmoyıd u fusqono haroyo du teqimo di hasinutho du qoyumo du camaydan.

İ hasinutho du qoyumo kmibic dmitaqimo, leşan dmiqadım Çelik lu bethdino metul dkito thome bhaq dide. İ hasinuthathe kmitaqimo belhude leşan i sbutho du bethdino dıkmıthım ebeyo.