13/03/2021

Mary T Hansbury nqilo ma hayani

Mary T Hansbury, b’cımro d’79 eşne nqilo ma hayani bu baytayda b’Philadelphia d’Amerika u athmıl, sim u cufoyayda bi cito d’Yuldath Aloho.

Ğalabe mu camaydan balki lo kodıc i athtathe manwa, elo Mary kıtwola filosofi doktora cali Mşihoyutho qamayto u mtarçamla ğalabe ma kthowe d’Mor Yahkub da Sruğ u d’Mor Afrem u yadıcthonitho dcalu leşono Suryoyowa.

Mary T. Hansbury nqilowa 2 bu yarhano d’Odor ma hayani bu baytayda dkıtyo b’Chestnut Hill b’Philadelphia u 11 bu yarhano’ste, sim u cufoyayda ba bethqbure di mdito. Mnohto Mary, mkamewola 79 eşne, elo mtayabla ğalabe syome ulsoye u mşalatla bahroyo calu camo ucali cito Suryoyto.

Lu ha dlo kodıc Mary kiban dımmina, dkıtwa yadıcthonitho bu haqlo du yulfono Suryoyo u mtarçamla ğalabe ma kthowe da nahire qamoye du camaydan-u kthuwla’ste kthowe calu qadişo d’Mor Yahkub da Sruğ, d’Mor Afrem u Suryoyo, Mor İshok d’Ninve uğer. Ba kthowe dfrısla’ste, huwola haye hathe la kthowani-dilonoyith l’Mor Yahkub da Sruğ.

Mnohto Mary mawlıfowa’ste ba botaysawbo d’ Philadelphia u d’Bethlehem u qrewola calu yulfono da Yudoye bi bethsawbo b’Hebrew ucalu yulfono Suryoyo bi bethsawbo d’Princeton u qrewola’ste calu Buddism u sımwola buhone bu qentrun Suryoyo d’Kerala du Hınd u frıswola bıthır a buhonani kulle.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…