Masrıh 3 şamoşe ewangeloye b’Bağdede

Bi cito Suryoyto Qatuliqoyto di daşto d’Ninwe, masrıh 3 şamoşe lu darğo di şamoşutho evengeloye.

 İ mashırhonuthathe athyo lu hwoyo bi rişonutho du hasyo di marcitho d’Ninwe u hedora Mor Yuhanna Petrus Muşe bi cito d’Mor Gewargis d’Barıtle.

 İ syomuthathe da 3 şamoşe Evengeloye hawyo bi cito d’Mor Gewargis di cito Suryoyto Qathuliqoyto b’Barıtle bi daşto d’Ninve, bi rişonutho du hasyo di marcitho d’Ninwe u hedora Mor Yuhanna Betrus Muşe.

Lu zawhano mıştawtafle u mşawrono di fatıryarxutho di cito Suryoyto Ortoduksoyto Mor Ğriğoriyos Saliba Şamcun, wu hasyo di cito Suryoyto Qathuliqoyto di marcitho d’Hadyab Arbil u hedora Mor Nathanayel Nizar Sımcan cam mınyono d’kohne u dayroyotho me Barıtle u hedora.

A 3 şamoşe Evangeloye dkıtne Xadır Hanna Bnuşa, İbrahim Şaba Lallu u Cadnan Bulus Matuka, kımqadmi teşmeşto bi cito Suryoyto Qatholiqoyto.

Bi masırhonuthathe dsimo 14 bu yarhano, ba hulhole da neşe ubi fsihutho du camo dımlewole i cito, mcadarwole u Xorefesqufo Razeq Allah Elsamcani u rocyo di cito d’Yoldath Aloho di cito Suryoyto Qathuliqoyto d’Bahişqa wu kohno di cito d’Mor Gewargis d’eba simo i masırhonutho Behnam Lalau.