Masrıh kohno hatho li mditho d’Hengelo b’Hollanda

Adyawma masrıh kohno hatho li cito d’Yoldath Aloho di mditho d’Hengelo d’Hollanda, bu zawho dilonoyo dsim bi rişonutho du hasyo di marcitho Mor Poliqarpus Awgin Aydin.

 U zawho du kohno hatho Yuhanun Barsaliba, frıswo hayo ba tlotho froshezwe Suroyo TV, Suryoyo Sat u Suboro TV.

 Adyawma bi cito d’Yoldath Aloho d’Hengelo d’Hollanda, sımwo u zawho di syomutho du kohno hatho Yuhanun Bar Saliba, bi rişonutho du hasyo Mor Poliqarpus Awgin Aydin wa kohne dacme. U zawhanoste sim lfuth a qonune du kewo di Corona u hiw belhude fsoso l’50 farsufe dhudri bi masırhonuthathe.

U  kohno Yuhanun dkıtyo u abro d’Gabro u Sayde Kurt, mawlıd bi mditho d’Göteborg du Swed u mıdle u yulfonayde mu mnoho Abun qaşişo Marawge Akyuz u mu camayde Abuna qaşişo Besim Kurt. Bi masırhonuthathe frisoste ba froshezwo Suroyo TV, Suryoyo Sat wu Suboro Tv mi sictho d’Dawid Mutlu.

Ba mamle dhawın bu yawmano griş u zuhoro calu kohno dkıtyo claymo u bebzabno bu mamlo dsımle huwe, mqadamle tawdiyotho lkul man dhawile tacbo bi tarbitheyde i Suryoyto elo inaqla dımqadamle a tawdiyothayde lu jıdo a damceyde nahiti.

Camgabe dımqadamle tawdiyotho li iqarthayde, mhaneleste abe hımyoneyde dkıtyo Cabdo wi mnohto d’Nayila İbrahim. İ slutho di masırhonutho d’Abuna Yuhanun, bi şoctho da 9 d’safrayto mşarela u mdawamwola li hıdo u falge, bıthır me falge d’yawmo.