10/02/2023

Matyo i mcadronutho qadmoyto me Turcabdin l’Antakiya

U konvoy di mcadronutho dlu camo sniqoyo b’Antakia Samandağ mati adyawma safrayto li mdito, wa şutose du camaydan bdelın baroyo bu feroqo da battaniyat uda çaketat du sathwo. Bi mawdconutho dmıdlan mu rişono du Federasyon da Hudre Suryoye-SÜDEF Avgil Türker, mahkele cali aykanoyutho du camo Mşihoyo di duktho.

10/02/2023

Athmıl qayımwo u konvoy di mcadronutho noşoyto du Slibo Suryoyo, du şutoso d’Şlomo, d’Shai Fund, d’A Demand For Action ubi methcadronutho du Federasyon da Hudre Suryoye-SÜDEF mi mdito d’Mıdyad u nahıt l’Antakia Samandağ.Wu konvoyano’ste malyo’we battaniyat u çaketat şahine du sathwo.

Adyawma safrayto mati u konvoy li mdito uba esore ubi methcadronutho dhawi camu waqıf di cito Malkoyto, qadiri a şutose du camaydan dbodın dımfarqi i mcadronutho dkıtwa acmaye. U camo’ste b’fsihutho mıstaqbele i mcadronutho dımqadmo ele ma şutose du camaydan.

A şutose du camaydan’ste laqın u camo Mşihoyo dmawdaclelın, dlıkmaçrın dumxi ba botathe, cal dheş kowe zalzalat bi fnitho. Camathe u camo leşan dqodır dım’amın a botayde ma tenhibe dkowe bu zabnano, bıdele dnotır a dukothayde.

Bi mdito d’Samandağ, i sagiyoyutho da comure Malkoye u Calawiye’ne ubi zalzalathe dhawyo bi mdito, mawdıc dholucdo mvayaclın 8 Mşihoye a hayathe wa hadome da şutose du camaydan dınqilın i mcadronutho’ste hadiri ba zawhe du cufoyathe.