07/06/2021

Mbayanle hasyo Mor Yacqub Daniel wakilo fatıryarxoyo gawonoyo di cito

I qadişutho du fatıryarxo di cito Catıqto d’Madınho Mor Aday Trayono, mbayanle hasyo Mor Yacqub Daniel wakilo fatıryarxoyo gawonoyo di cito.

Lfuth u marsum fatıryarxoyo, u hasyo di marcitho d’Australya udı Newziland gıdmoyıd zabnoyith i wolitho du fatıryarxo Mor Aday Trayono cal du hulmonayde ucdo latyo towo.

I qadişutho du fatıryarxo di cito Catıqto d’Madınho Mor Aday Trayono bu marsum fatıryarxoyo dmıdle arbıco bu yarhano, mbayanle u hasyo di marcitho d’Australya udı Newziland Mor Yacqub Daniel b’darğo d’wakilo fatıryarxoyo gawonoyo di cito Catıqto d’Madınho.

Mor Aday bu marsum dımşadarle la hadome di sunados mqadaşto ulu ikliros di cito, kmawdıc du hulmonayde ba zabne haroyani latyo towo, u mawxa ste laybe dmamte i wolithayde li duktho xıd fatıryarxo di cito Catıqto d’Madınho.

Callathe, fatıryarxo Aday mawdacle dımbayanle hasyo Yacqub Daniel laşan dmoyıd dukthe zabnoyith hul dmicadıl u hulmono di qadişuthayde.

Lfuth u marsum fatıryarxoyo di cito Catıqto d’Madınho, hasyo Mor Yacqub Daniel kıtle ucdo i wolitho dımdabır a’knuşye ruşmoye ulo ruşmoye di fatıryarxutho, u kıtle ste şultonutho ruhonoyto cala marciyotho di cito kulle dkıtne bu athro ubi golutho.

Check Also

Taşdaryotho me Suriya matın l’Amerika leşan dhudri bu knuşyo da 76 du Mawtbo Gawonoyo d’Emwotho Mhaydotho

Taşdaryotho frişe me Suriya, matın l’Amerika leşan dhudri bu knuşyo da 76 du Mawtbo Gawono…