Mbayın 50 malyune dolare laşan u hethotho da nuqazyotho maktabzabnoye

İ şultonutho du Iraq, mawdacla dhın athrawotho Caraboye u nuxroye mbayanlın 50 malyune dolare, laşan du hethotho da nuqazyotho makthabzabnoye da mdinotho dsim u huroraththe mu tukoso marıhbono dı Dacış.

Bayn da nuqazyothani dgımihathıthi, kito citotho shife du camaydan, i mditho d’Namrud wa tarce d’Nargal d’Ninwe.

İ wazirutho di mardutho, du turist uda n’athare du Iraq, mawdacla dımbayın 50 malyune dolare mhın athrawotho nuxroye u Caraboye, bnişo dmisım u hethotho da nuqazyotho makthabzabnoye dqayıthlın husrono mu tukoso marıhbono dı Dacış.

U mşalo du tboco froso di sictho da n’athare udi yortutho Hakem Alşammari, bi maqırhonutho dhule la gelyunore, mawdacle da fulhone du bnoyo u hethotho gıdmisomi ma grube dilonoye da yadıcthone dcala n’athare du tukoso d’Emwotho Mhaydotho d’Unesco. Cali sbuthathe, Alşammari mawdacle dkito sdirutho bayn dhın athrawotho baynothaye İtalya, Amerika, Fransa wa İmarat Caraboye Mhayde laşan dmisım u hethotho da nuqazyotho makthabzabnoye da mdinotho dsim u huroraththe m’Dacış.

Bayn da nuqazyotho dgımisım u hethothaththe, kito a’citotho makthabzabnoye d’Mawsal, ukito ste a’tarce d’Nargal, u grub da bote d’Altutunji, i manura d’Alhdbaa, i mditho d’Alnamrud, i mditho d’Alhadar, u masığdo d’Alnuri u citotho hrene makthabzabnoye dıshifi b’Ninwe udmati ucdo u hethothaththe l’maşıqle haroye.

A’nuqazyothani baynothaye dıshif kulonoyith bi mditho d’Mawsal, u baynothayeste i kmoyutho du husronaththe kmıtyo l’90%, ukito ste nuqazyotho dbalhude hın falqe menaye klozamlın hethotho.

A’hiğmınwotho dgımisım ebaye u hethotho da nuqazyotho makthabzabnoye hanine: Ninwe, Diyala u Al Anbar.