Mcayıd u yowmo da neşe dı britho 8 Odor b’Turcabdin

U Hudro da neşe Suryoye d’Turkiya mtayable u yawmo d’8 d’Odor dkıtyo u yawmo da neşe falıhyotho dıbritho, bu qentrun du Federasyon da Hudre Suryoye-SÜDEF.

 Bu yawmano camgabe da mamle dsimi, mqadım mimre u raqde umthonoye du cameydan mi gudo d’Zalge

U hudro da neşe d’Mıdyat mtayabwole hfitutho laşan dı mathkır u yawmo şatonoyo da neşe falohe dıbritho 8 oder. Bi hfituthathe u mamlo mqadım mu gabo d’Teodora Hobel cali mıcne du yawmano, u kalyo calu ağuno dıklozım dobın a neşe du camo Suryoyo-Othuroyo bu zabnano dkito şuşote ğalabe bu athro da abohotho.

Hobel kalyoste cali şawyutho bayn du gabro u di athto dıklozım quyo bayn du cameydan mawxaste hawxa yawmotho ulsoyene dmisim bınne hfitwotho mu taraf da şutose da neşe du cameydan.

Bıthır mu mamlo u ma droşe dhawi cali macne du yawmano i gudo da raqde d’Zalge mahwela raqde mşahılfe la hadire. Bu huthomo di hfitutho Sara Hadodo u Edessa Kaplan mırlın mimre dımhaydıriwolın lu yawmano d’8 Oder u yawmo da neşe falohe dıbritho.