McKenzie mzaharle u İran bi sbutho d’Suriya

U rişono di mdabronutho qentrunoyto du gayso d’Amerika Kenneth McKenzie grışle u zuhoro u mırle; U İran kmıstacmıl Suriya leşan a yuthronayde wa nişayde wu rişathro Başar Al Asad, klozım dfohım u medano ğalabe towo.

 Bu zuhorano McKenzie makadleste, d’Amerika kımtahqıbo kul harake dkowe bi naşfe bu Madenho Mescoyo ubu Xaliç ulo belhude a fusqone dıkmimodi mu İran ume Suriya.

 Bi maqıblonutho dsimo camu rişono di mdabronutho qentrunoyto du gayso d’Amerika Kenneth McKenzie bu darbo du telefon, kali cala şuşote haroye du Madınho Mescoyo udu qlimo du Xaliç wi siyase dıkmaşe u İran. Bu mamlayde McKenzie mzaharle i şultonutho d’Tehran u mırle; U İran kmıstacmıl Suriya leşan a yuthronayde wa nişayde wu rişathro Başar Al Asad, klozım dfohım u medano ğalabe towo.

Calu qyomo haroyo dsim beyn du İran u Suriya bu haqlo du sutoro da thume oyaroye, McKenzie mırle; Waşington mtayabla tahrazto leşan dmaklıyo u İran bşıkıl baroyo ulo baroyo. Wu kul hjomo dıgmisım cala hayle Amerikoye bu qlimo, gdımkalıf timo yaquro calu İran u Tehran bi idactho du haylo folhoyo dkıtla Amerikayo.

Cali sbutho d’Lebnon, u rabhaylawotho McKenzie makadle d’Waşington masırto’yo bu snodayda lu athro ula haylayde a ruşmoye u Hizballah heş kımşakıl qetro rabo. Dothe u tukoso Şica dsoyım hjomo cal İsroyelste, gıdsoym fawdo rabo dıklozım dobe u hşowayde.

Bi sbutho du dactith d’Amerika bu Iraqste, McKenzie mawdacle dkıtyo msimono cali aykanoyutho dkito adyawma bu Iraq wu rişwazire, kımnase dsoyım kull mede bşıkıl towo u triso mqabıl da ğrobe msalhe dkito bu athro ubi sbutho du duyoqo di mşaynutho da hayle Amerikoye dkıtne bu Iraq. McKenzie mırle; Kmıtyaqano dkıtna bı aykanoyutho tawto cami şultonutho Iraqoyto bi sbutho du dialog stratejikoyo wi ithutho d’Amerika bu Iraq, masırtoyo ba droşani dkowın camhıdode.