23/04/2021

Mekenzi hule maqırhonutho cala taxtuşe beyn da hayle di mşaynutho di mdabronutho yothoyto u da hayle du rejim Difac Elwatani bi mdito d’Qamişli

U rabhaylawotho d’Amerika Kenneth Mekenzi hule maqırhonutho cala taxtuşe dıkmdawmi beyn da hayle di mşaynutho di mdabronutho yothoyto uda hayle du rejim Difac Elwatani bi mdito d’Qamişli.

 Mekenzi bu mamleyde mırle; Ahna kıbcina dmışre u qetrano bu dialog elo be bzabno ahna gıdsundina a hayle d’QASAD dkıtne a mdafconeydan b’Suriya.  

A taxtuşe dıkmdawmi b’Qamişli hani kmo yawmotho, hawın sbutho du droşo beyn Emwothoyith. Bi sbuthathe u rabhaylawotho Amerikoyo Kenneth McKenzi bi mawdconutho dhule lu tboco froso, mşayıl şuwole mene cala taxtuşani

McKenzie ba funoyayde mırle; Kıtlan idactho cala taxtuşani u kudcina u rejim d’Suriya ksoyım hboso cala hayle d’QASAD-dkıtte u duyoqo cala wahde du nafto dkıtne bu qlimano. Mawxa a taxtuşani kibın qoşın zıttır mucdo. Ahna kımcaqbina i sbuthathe me qariwo u kubcina dmişroyo bu darbo du dialog elo klozımste dmidıc, ahna kısundina a hayle QASAD metul dhıne’ne a hayle dıkmsaytıri Amerika bu qlimo.

U rabhaylawotho McKenzie mırle; A taxtuşani kibın dzaydi elo ahna, hadire’na lkull mede dgıdowe bi fnithathe. Ahna gıdmdawmina bu snodo da hayle da came di fnithathe-a Haylawotho d’Suriya Demoqratoyto.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…