Meksiko mıctarafla bu bu qtolğenso da Armınoyo
U senato d’Meksiko, mawdele bu qtolğenso dsımwola i mamlaxtho da Cuthmanoye calu camo Armınoyo bu zabno du qrobo qamoyo dbritho. Bu quwolo dsim yawme d’Arbco dşafıcina, maqbılo i rmoyto dımqadmo u tlib’ste mi şultonutho d’Meksiko, d’hiyaste dmıctarfo bu qtolğensano.
U senato d’Mexico-dkıtyo athro, bi qıtca d’Amerika i Latinoyto, mawdele yawme d’Arbco dşafıcina bu qtolğenso dsımwo calu camo Armınoyo ban 1915. Bıthır ma droşe dhawın bu senato cali rmoyto dımqadmo, i sagiyoyutho da 128 senatöre maqbelın i rmoytathe u kalın cali ulsoyutho du dmitahwe iqoro Emwothoyo la zedqe noşoye.
İ rişizgadutho d’Armenia b’Mexico’ste mawdacla du senato tlıble mi wazirutho di baroyutho d’Me’ico dmawdıyo bu qtolğensano. İ mawdyonuthathe d’Mexico bu qtolğenso athyo lu huwoyo, bıthır ma fulhone hfite dsımlın an Armınoye bu athro.
B’Mexico kıhoye mınyono celoyo d’Armınoye ucalu fusqonano du senato, u rişono du parlamento d’Armenia Alen Simonyan wu Komisyon Athronoyo dan Armınoye b’Amerika athmıl mqadamlın a tahınyothathe l’Mexico. Elo xıd kull naqla’ste Turkiya b’qaşyutho mahwela u hfuxyayda cali mawdyonuthathe u rfidola.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
