22/01/2021

Meryem Stefan Be Mırço nqilo ma hayani bu athro d’Almanya

Hotho u emo da qaşe maqedşoyto Meryem Stefan d’Be Mırço, nqilo ma hayani a zabnoye.

 İ emathe dıxdımla lı 11 nacime u 72 nobğe, bu athro d’Almanya bsobutho tawto beyn da nacimeyda nqilo ma hayani.

Maqedşoyto Meryem Stefan d’Be Mirço, athmıl bu athro d’Almanya nqilo ma hayani. Mnohto maqedşoyto Meryem, mawlıdowa ban 1940 bi qritho d’Beth Qustan  d’Turabdin. İ bartho du mhasyo d’Cisa Be Şacco da Odomkiye wi mhasayto Şmuni d’Şahirkan’yo.

Kıtwola 4 ahunone u hotho dımhasyowa ban 1997 uha man ahunoneyda Xuroyo Cabdo’yo dıkxodım i cito d’Mor Fetrus u Fawlus b’Trolhettan du Swed.Yariwo bi tarbitho Mşihayto u gawe d’iqartho mhaymanto b’Bethqustan. Wu mhayawodla a hayeyda cam Maqedşoyo Zaytun d’Be Mirço ban 1958.

Mu zuwoğano hawiwola 6 abne d’2 meneyye bcımro di nacmutho nqili ma hayani u hawiwolınstene 5 bnotho. A tre nacimeyda dkıtne abuna qaşişo Caziz u mkhanono di cito d’Mor Stefanos d’Kirchardt wu hrenoste abuna qaşişo Stefanos u mkahnono di cito d’Mor Abrohom d’Aschaffenburg d’Almanya’yo.

Bi hareyto du yarho d’Nison dan 1980 mgalwewola l’Almanya. Yidictowa i mhasayto bi ido ftihto dkıtwola wu cama nacimeyda, sanıdto du froshezwo SuroyoTV wa. Ba 2014 camu barzawgeyda, u nobğathe Fetrus mamtele i wasiyathe li duktho leşan dkurxi u dhozın an arcotho mqadşe d’İsroyel.

Ba 2017, maqbela camu barzawgeyda u rozo di Qandelo me ide du hasyo di marcitho d’Mor Filoksinos Matiyaş Nayiş. Ofen krihtowa elo mafıtla an eşne haroye da hayeyda beyn da nacime, da bnotho uda nubğeyda hol dınqilo athmıl 21 bu yarhano ma hayani. Hawyo emo l’11 nacime, 51 nubğe u 21 nacime da nubğe.

İ slutho du cufoyeyda, gıdmisomo 26 bu yarhnao bi cito d’Mor Stefanos di qritho d’Kirxart dhawila tacbo bu bnoyeyda wu şetoseyda. U gıdmicafyo ba bethqbure di qritho di qritho.

Check Also

ESU u ferco d’Teçino d’Swisra sımle u duxrono da Sohde d’MUB bu hudro Suryoyo dkıtyo b’kantone

Me gabo hreno u Huyodo Suroyo d’Urifi-ESU u ferco d’Teçino d’Swisra, sımle u duxrono da So…