Meştawtıf lu karnawal dımtayıb b’Almanya laşan dmitahwiyo i mardutho du cameydan

U hudro othuroyo marduthoyo d’Aşanfabrug d’Almanya mıştawtafle lu karnawal dhawi bi mditathe dmıştawtaflele ba mowat şutose more d’Şuğlone xıd dkıtyo cyodo. U hudro othuroyo mıştawtafle laşan dı forıs i mardutho du cameydan, u be bzabno i gudo da boduqe maşmacla falqe di musiqi la hadire.

Ba mdinotho d’Almanya kmisim karnewal dıgmıştawtfile hudre, şutose u more d’Şuğlono dıgfırsi u mede dkıtlın bi şuqo da mdinotho laşan du camo dmibasım u dhoze u mede dkito bi mditho dıkhoye eba.

Bi mdito d’Aşanfanburg d’Almanya u hudro othuroyo mardutho hani 4 ışne kmıştawtıf lu karnavalano laşan dmawdıc i mardutho du cameydan.

Yawme dhuşabo a clayme u claymotho du hudro othuroyo lwışwolın a l’buşe marduthoye maktbazabnoye du cameydan u tcunwolın a othowiye u malaxwolın ba şuqone di mditho cami musiqi di gudo da boduqe du cameydan dıgrışwolın u zuhoro du camo dkıtwe bi şuqo.

U hudro othuroyo marduthoyo d’Aşanfanburg bu tehwiyano dıksoyım kul şato kmahwe i mardutho du cameydan la came dıglıtmi ba alfowat bi şuqo di mditho.

Bu zabno di claymutho dımalaxwola cami musiqi da boduqe u camo mfaqaswolın u mahwewo i fsihutheyde acmaye.