02/08/2020

MFS mcayadle u cedo du qurbono da maşılmone

U Mawtbo Folhoyo Suryoyo-MFS, mcayadle a Maşılmone dıbritho u dilonoyith d’Suriya, bu cedathe du Qurbono.

 U Mawtbo Folhoyo Suryoyo-MFS, ha ma hayle mşatsone da Haylawotho d’Suriya Demoqratoytoyo u kıtle bebzabno mharbone caraboye ba gbine frişe du qrobo bu garbyo u bu madınho d’Suriya.

Bi cohnutho du cedo du qurbono da Maşılmone, frısle MFS egartho bi dafayde du Twitter u mcayadle a Maşılmone dıbritho u dilonoyith d’Suriya, bu cedathe.

Bi egarthathe MFS, mcayadleste a yaqrotho da mharbonayde a sohde, dı dbıhlın nafşaye bu ağuno di hirutho du camaydan u du tlobo da zedqayde b’Suriya.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…