20/04/2022

MHALMAYTO: Hfaryotho b’Estel u b’Midyad maglelin haye tahte di arco

Ba hfaryotho dsimi b’Estel d’Mıdyad qariwo lu masığdo d’Ulu dkıtwe meqım cito mqafe bote citwaotho hlile tahte di arco. Lfuth I mawdconutho dıfriso kmote u maktbzabno da bınyonani dktne tahte di yarco lu doro datre dbıthır mi mşihoyutho.

ESTEL, Mhalmayto – A hfaryothani dsimi bu zabnano maglelın naqqa hreto da bınyone dkıtne camire b’Mıdyad u Estel kito tahtaye bınyone hrene dıkmote u maktbzabnathe la dore catiqo du matkatzabno d’Mıdyad dkıtwa bu ışmo Matiat.

Bu tebo dıfris bu tboco froso qlimoyo kmahke da hfaryothani mşarelın bu taro du tendifo u bıthır dkıtwo mcartho dıklozım mitanıdfowa, inaqa dımşare bu hforano nafıq li holo dkito bınyone mşahılfe tahte di arco.

U mede hul ucdo dı nafıq kito darbo dkibe hul 10 mıtrowat u ba xasawır du darbano dkıtyo hlilo tahte di arco kito bınyone djın mane kdomın la bote u la citawotho kmawdci amşale da cfaryothani.

Bi sbuthathe idictoyo da dukothe du cameydan kıtlın maktabzabno catiqo u macmır  bınyone cıl ma dukotho maktbzabnoye dı fayişi tahte di arco ucdo a hfaryotho dsimi b’Estel ste maglelın u medano dı tahte d’Mıdyad u Estel kito bınyone macımre catiqe.

Bi duktho ducdo dsımlın a cfaryotho dkıtne qariwe lu Cemıc Ulu dkıtyo idico meqım dkıtwe cito maglele dı tahte da dukothani kito bınyone hrene tahte di arco, idicoyo da dukothani dukotho catiqe dmeqım mi mşihoyuthone.