Mıhe Soruhe ba noqazyothe du koalisyon emwothoyo bu Iraq
Naqa hreto mafır soruhe zaynoye cala nuqazyotho du koalisyon emwothoyo dkıtyo bu garbiyo di erişkoyto du Iraq Boğdod dıqtil 2 folhe Amerikoye u ha Britanoyo.
Bi sbuthathe u rişqutno du athro wu rişwazire du athro mahwelın hfuxyo qaşyo mqabıl da mhoyani dhawın mqabıl da nuqazyotho folhoye du koalisyon emwothoyo.
Lfuth i mawdconutho dhulın a haylawotho gaysoye d’Amerika mhalıq 15 fuzat nacime cali nuqazto du koalisyon emwothoyo dkıtyo b’Taci dıknıflo bu garbiyo di erşkoyto Boğdod.
Lfuth i maqırhonutho dıfrısle u malolo du koalisyon emwothoyo rabhaylawotho Myles Caggins calu darbo du nawlo mırle athmıl i şoctho ba şwac 35 qatinotho u zabno du Iraq 15 fuzat mhalqi cali nuqazto du koalisyon, bi maqırhonuthathe mawdıc lo noşe qtil u lo mjarıh, elo lfuth hın ma mabuce du tboco froso qtil 2 folhe amerikoye u ha britanoyo u 10 hrene mjarhi.
Amerika bi mawdconutho dıfrısla mawdacla da gurube dıkmısnodi mu athro du İran’ne bıthred da hjomani dkowın cala nuqazyotho zaynoye du koalisyon u da Amerikoye dkıtne bu Iraq.
Bıthır mathe urişqutno du Iraq Barham Salıh hule maqırhonutho dıkrıhle a hjomani u mırle u hjomano mqabıl di morutho du athro du Iraqne mawxa lıkmaqbılina dmisım hawxa hjome cala nuqazyotho zaynoye dkito bu athro.
Be bzabno u rişwazire du athro du Iraq’ste Cadıl Cabdel Mahdiste bi maqırthonutho dıfrısle krıhle a hjomani dkowın cala nuqazyotho du koalisyon u d’Amerika dkıtlın bu athro du Iraq.