Mike Josef dkıtyo man abne du cameydan fayış lu darğo trayono da guboye dgımisomi leşan dminaqe rişono di karkhutho gawonoyto d’Frankfurt d’Almanya
FRANKFURT – Mike Josef dmawlıd ban 1983 bi Qamışlo, bi şato dan 1987 mgalwelwole l’Almanya, uban 1999 bıthır mıd mkamele i madraşto celoyto cabır li bethsawbo d’Ulm ba 2002, u bıthır qrele bi bethsawbo u yulfono folitiqoyo di kinutho udu maktbzabno uba 2010 makhlasle u fercano.
Bıthır mıd mkamele u yulfonayde ba 2011 cabır lu mawtbo du gabo da Sosyal Demoqratoye u hawxa mraşıh mu gabeyde me beyn 20 farsufe dımbayni ma gabe hrene, la guboye dgımisomi 26 Odor leşan i rişonutho di karkhutho.
Ba guboye dsimi bu darğo qamoyo, ba qole dmıdle Mike Josef hawi u farsufo trayono me beyn da 5 mathlone da gabe hrene dkıtwın mraşhe.
Lfuth a tebe dıfrisi bu tbocofroso d’Almanya; Mike Josef dkıtyo man abne du cameydan, kıtle gado rabo dminaqe li rişonutho di karkhutho gawonoyto d’Frankfurt. Ahnaste ktulbinale kaşirutho ba guboyani u kıtlan sabro dminaqe rişono li karxutho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
