Mmathlonitho d’HNB Tibelya Ahron gıdımmathlo a neşe d’Almanya bu konferans da 3 da neşe dı britho

ALMANYA – İ mşalonitho du Huyodo da Neşe d’Bethnahrin u fırco d’Urifi-Tibelya Ahron, mnaqyo cam tloth neşe hrene leşan dım’athli a neşe d’Almanya bu konferans şatonoyo dgımisım adşato bu athro d’Bosnia. 

U Konferans tlithoyo da Neşe d’Britho sımwo tlotho bu yarho d’İlül da 2022 bu athro d’Tunıs, hthımwo 10 bu yarho. Lu konferansano’ste hadırwo 150 taşdaryotho da neşe dhol 50 athrawotho frişe dı britho. Beyn da taşdaryothani’ste hadırwo 3 mathlonyotho du camaydan-İlham Matle mu Huyodo da Neşe Suryoye b’Suriya, Georget Barsoum mu Huyodo d’HNSS mi mdito di Qamışli u Tibelya Ahron me HNB d’Urifi. 

Bu konferansano d’3 Weltfrauenkonferenz der Basisfrauen-awkith u Konferans tlithoyoda Neşe dı britho, kmitayıb kull 5 eşne naqla b’athro mbayno u ışqad’ste sımwo b’Tunıs. Ba droşe du konferansano’ste klewo cala şwole, a qetre u casqotho dıkloqın xıd ğenso wu gawonoyith xıd camo bıgawe du kenşo’yo.  

U camgabe da nuqazani, i taşdarto d’HNB mşalatwola bahro cali athto Suryoyto ucalu Sayfo dsımwo calu camaydan ban 1915. Bu taro du konferansano dsim b’Tunıs, a neşe d’athrawotho frişe dı britho kımtaybi kull şato knuşyo, leşan i hedriye du konferans hatho dgımisım bıthır 5 eşne. Ba yawmotho dşafıcina’ste, i mşalonitho d’HNB b’Urifi hadiro cam 65 neşe Almanoye hrene bu knuşyo dsim b’Gelsenkirchen b’Almanya.  

Bıthır ma droşe dhawın cala fulhone ucala tahrazyotho dsimi, a neşe dhadiri’ste sımlın mamle bu knuşyano. Bu quwolo dsim, mnaqe 4 neşe dgımaydi duktho ba fulhone di hedriye du knuşyo dgımisım bi şato dothe. Me beyn 65 neşe hadire, mnaqyo i mşalonitho d’HNB u fırco d’Urifi Tibelya Ahron hdo man 4 neşe dgımathli Almanya bu knuşyo dgımisım bu yarho d’Hziron bu athro d’Bosnia. Me 2 neşe dkıtwın meqım bi kordina da lumodani’ste, mid fusqono dmitazidi l’4 neşe.