Mnaqe rişono hatho la boduqe d’Mor Matta bi Baritle
A boduqe du camaydan Mar Matte d’Barıtle bi daşto d’Ninve, mnaqelın rişono hatho. Bi mtaybonutho du hasyo Mor Timatheos Musa al Şamani, mnaqe Medin Xaled İshaq rişono hatho la boduqe d’Mor Matte d’Barıtle.
BARITLE/DAŞTO d’NINWE, Ciraq – U hasyo di dayro d’Mor Matte da Suryoye Orthodoksoye b’Barıtle bi daşto d’Ninve-Mor Timatheos Musa al Şamani, a kohne wa mşale du şutoso da boduqe hadıri u knuşyo dımtayable u şutoso da boduqe d’Mor Matte, leşan dımnaqe rişono hatho lu şutoso.
Bu knuşyano’ste mahke cala fulhone dsımlın a boduqe u kle cali ulsoyuthathe ba yawme dilonoye uba hfitwotho tawdithoye u kenşoye dıkmisomi beyn du camaydan di daşto d’Ninve.
Bıthır ma mamle frişe dsimi’ste, mawdıc du mşalo da boduqe d’Barıtle Medin Xaled İshaq, mnaqe rişono gawonoyo lu şutoso da boduqe d’Mor Matte. Bu dumyano, hawi Medin u mşalo qamoyo du şutosano bıthır mi mşatsonuthayde mu fatıryarxo Mor İğnatiyos Afrem II 16 bu yarho d’İlül da 2022.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
