Mor Afrem II mahıtle i şetısto qamayto du bnoyo di dayro du Slibo bu Swed

yawme d’Tre, sim u zawho du rawşo qamoyo du bnoyo di dayro du Slibo dgımitacmıro bi mdito d’Nyköping du Swed. Bıthır mıd i cito zwınwola u bınyonano meqım eşne, ucdo mhe u rawşo qamoyo di tarmitho du bnoyo di dayrathe i hathto.

Lu zawhano du rawşo qamoyo, hadırle cami qadişutho du fatıryarxo mınyono celoyo d’hsayo, kohne, dayroye. İ tarmithathe du bnoyo di dayro, kımşaklo yuqro timo lu şuşoto di cito Suryoyto Orthodoksoyto uli tawditho Mşihoyto.

İ dayrathe bebzabno, gıdhuwyo duktho li slutho, lu yulfono ulu nfoqo du moro la timoyotho di cito. Me gabo hreno bıthır mi masırhonutho di mcalyutho d’Mor Yuhanun Lahdo yawme d’Huşabo, bi slutho dsimo ramşo, mqadamla i sictho di cito d’Mor Afrem duşno lu hasyo hatho u tlıblale kuşore ba fulhonayde.

İ qadişutho du fatıryarxo’ste, mıstaqbıl bıthır ba zmirotho da nacime dhawilın gado dloqnle cama hsayo u kohne hrene dkıtwın hadire u tlıbbe a burkothayde. Bu yawmano’ste a nacime mcayadlın u cedo di qadışto Lusia u cam Mor Zoxe, mqadamle i qadişuthayde duşne la nacime.