Mor Afrem Trayono laqi u waziro du şbuqyo da İmarat Araboye Mhayde

İ qadişutho du fatıryarxo di cito Suryoyto Ortodoksoyto Mor Afrem trayono, laqi u waziro du şbuqyo du athro da İmarat Araboye Mhayde Şeh Nehyan bın Barakat  al Nehyan.

 Bi lqaytathe a tre gabe drışlın sebwotho dkıtlın asirutho bi tawditho, bi mardutho  ubu maktabzabno di cito wa esoreyda cama athrawotho Araboye.

 Bi socurutho dsımle i qadişutheyde, cam gabe du Qerowo uda socorwotho dsımle la citotho, laqi u waziro du şbuqyo Şeh Nehyan bın Barakat al Nehyan u drışle acme i aykanoyutho da tawdiyotho u sebwotho marduthoye. Athmıl safrayto u waziro mıstaqbele i qadişutho du fatıryarxo Mor Afrem II bu qentrun di wazirutho dkıtyo b’Abu Dhabi da İmarat Araboye Mhayde.

U fatıryarxo mqadamle tawdiyotho lu waziro, cal hamimutho du qubolo dmahwele li qadişutheyde, u cali methfathonuthathe bi sbutho da tawdiyotho. Bi lqaytathe a tre gabe drışlın a sebwotho tawdithoye, marduthoye wu makthabzabnoye di cito Suryoyto wa esorayda cama athrawotho araboye.

Bu qubolano hadırwo u efetrufo fatıryarxoyo di cito du Hınd dkıtyo ba İmarat Araboye Mhayde, Mor Estathawos İshaq, Mor Barthelemaus Nathanyel Yusuf u fetrufo fatıryarxoyo di marcitho da İmarat udu Xaliç, Mor Petrus Qasis u mcadrono fatıryarxoyo, qaşişo Marqus Abraham u notarozo fatıryarxoyo da sebwotho citonoye du Hınd, u abun dayroyo Josef Bali u mdabrono du tboco froso fatıryarxoyo.