Mor Afrem Trayono sımle u futoho du ferco du majıster cala yulfone tawdithoye

I fatıryarxutho d’Antiyuxia u dkule madınho di cito Suryoyto Ortodoksoyto, sımla u futoho d’ferco hatho du majıster bu haqlo da yulfone tawdithoye u di thiyoloğiya bi bethsawbo d’Logano bu athro d’Swisra.

U futoho du fercano athi luhwoyo bu lumodo emwothoyo dımtayıb bu darbo du nawlo cali aykanoyutho da Mşihoye bu qlimo du madınho tahtoyo.

I qadişutho du fatıryarxo di cito Suryoyto Ortodoksoyto Mor İğnatiyos Afrem Trayono, sımle athmıl u futoho d’ferco hatho du majıster bu haqlo da yulfone tawdithoye udi thiyoloğiya bi bethsawbo d’Logano bu athro d’Swisra. U futoho du fercano athi luhwoyo bu taro da fulhone du lumodo emwothoyo dımtayıb bu darbo du nawlo cali aykanoyutho da Mşihoye bu qlimo du madınho tahtoyo.

U lumodano mtayıb mi bethsawbo di thiyoloğiya d’Logano u bi methcadronutho du institut da tawdiyotho u du şutoso d’Frederika Sıpritzer.

Fatıryarxo Afrem bu turgomo dhule bu lumodano, mahkele cali aykanoyutho da citotho u da Mşihoye bu madınho mescoyo, dilonoyith bu Iraq, b’Suriya u b’Lebnon, u bebzabno grışle u zuhoro cala gedşe makthabzabnoye dımatharlın cali ithutho Mşihoyto bu qlimo.

Bu mamlayde, Mor Afrem mahkele cala rdufye dhawın cala Mşihoye ba maşıqle mşahılfe du makthabzabno dilonoyith bu doro da 20 dımşarelın bu qtolğenso du Sayfo da Suryoye hula qrobe dkımdawmi hul ucdo bu madınho mescoyo udhawın celtho dımgalwın ğalabe Mşihoye mu athro da nabohotho.

Mor Afrem Trayono bu turgomayde mşalatleste bahro cali aykanoyutho haruto du momuno u cali casqutho dıkcayşila a’Mşihoye mi celtho du kewo d’Corona, u grışleste u zuhoro calu furqoco mahişono du lmino d’Bayrut dımatharle b’şıkıl rabo cala haye casqe da Mşihoye d’Lebnon.

Bu huthomo du turgomayde, Mor Afrem Trayono mhanele i bethsawbo di thiyoloğiya calu ferco hatho du majıster, u tlıble ma yolufe dgıdmıştawtıfile kuşore ba droşaththe.