Mor Bşara Bıtrıs Alraci tlıble mu kenşo Emwothoyo dsundi Lebnon

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, tlıble me Amerika umu kenşo Emwothoyo dsundi Lebnon bu maşıqlo casqano, bnişo dlo mıshıf u haykılo du athro.

Fatıryarxo Alraci bi ytawto dhawile cami rişathizgadto d’Amerika b’Lebnon Dorothy Şiya, sımle sturo i mdabronutho d’Waşington cal dlo b’idactho kobo aftho lu athro nacimo dqowe zıttır bıgawe du athro rabo d’Lebnon.

İ qadişutho du fatıryarxo Mor Bşara Bıtrıs Alaraci, mıstaqbele i rişathizgado d’Amerika b’Lebnon Dorothy Şiya u acmaste u mşawronayda Ethan Lansh. Gawonoyith bi ytawtathe, drişi a şuşote haroye d’Lebnon, u kle bu calu şekolo di şultonutho wa şuhlofe ulsoye dıkluzmi b’Lebnon.

Fatıryarxo Alraci bu mamlo dsımle, naqla hreto mawdacle d’falqo rabo mu kriz dıkmicış bıgawe du athro, mi celtho di masirutho dkıtla Lebnon cama wahde qlimoye u Emwothoye’yo, mawxa’ste makadle dıklozım dmıfrış Lebnon ma krize dkito hedore, u tlıble’ste mu kenşo Emwothoyo dsonıd Lebnon, leşan dlo mıshıf u haykılo du athro.

Bebzabno, Mor Bşara Alraci mzaharle mu shofo d’Lebnon dgıdobe aftho lu athro nacimo awkith Hizballah wa nqoufayde dkobış u athro rabo d’Lebnon, ubu şıklano Amerika wa hayle rabe dbritho kowın dlo b’idactho mcadrone bu teqwiyo du athro u nacimo u balikiste athrawotho nacime dgıdnufqi li fotho cal hase du athro shifo d’Lebnon.

Camgabıdathe, u fatıryarxo mawdacle di celtho rişoyto du kriz momunoyo, u grubano du fasad’yo dımzabanle u athro, u dıkqotıl u camayde, elo bebzabno sımle sturyo Amerika wa hayle rabe dbritho, cal dıktorın u camo belhude mqabıl da qatolayde. Mawxa’ste Alraci makadle dıklozım dmıxlıq athro Lebnonoyo qawyo dkıtle hdo morutho u ha zayno dhowe belhude bidothe du gayso uda hayledi mşaynutho.

Me gabo hreno, Mor Bşara Alraci mawdacle du haşo rabo dıkcayşo i cito i şalqa di golutho’yo dıkzaydo, dilonoyith mi xasra di claymutho Mşihoyto. Bu huthomo di ytawthathe, fatıryarxo Alraci mdaşanle i rişathizgadto Amerikoyto dawmo nacımto du Arzo d’Lebnon.