08/02/2020

Mor Fransis Qadmoyo mawdacle dkıtyo qull naqla hadiro dımdafıc a Mşihoye du madenho mescoyo

A fatıryarxe da citotho ahwotho du Madınho Mescoyo, drışlın i aykanoyutho da qalilotho Mşihoye camu Papa du Vatikan, Mor Fransis qadmoyo.

 A fatıryarxe da citotho d’Lebnon, d’Suriya, d’Mısır udu Iraq, laqın Mor Fransis, leşan dgurşi u zuhoro cali golutho, cala qetre u casqotho dıkloqın a Mşihoye bu qlimo.

I dafo di cito Qatholiqoyto bu Vatikan frısla tebo cali ytawto dhawile athmıl safrayto u Papa Mor Fransis, cam 6 fatıryarxe da citotho ahwotho d’Lebnon, Suriya, Mısır wu Iraq, leşan dorşi a qetre dıkloqın a Mşihoye bu Madınho Mescoyo wi sbutho di goluthathe mu qlimo

A fatıryarxe dhadiri bi ytawtathe dcamu Papa; u Fatıryarxo di cito Kaldoyto d’Bobel, u fatıryarxo di cito Suryoyto Qatholiqoyto, u fatıryarxo di cito Suryoyto Marounoyto, u fatıryarxo di cito Malkoyto, u fatıryarxo di cito  Eğuftoyto wu fatıryarxo di cito Armınoyto.

Bi maqırhonutho dhuwle u fatıryarxo Mor İğnatiyos Yusuf III Younan li dafo du Vatikan mawdacle, dhınne tlıbbe i ytawtathe mu Papa leşan dorşi i aykanoyutho harayto du Madınho Mescoyo wi golutho da Mşihoye ma dukothathe a şerşoye wu qento dıkmşaklo i goluthathe li ithutho Mşihoyto.

Bi ytawtathe’ste a fatıryarxe mqadamlın a tahınyothathe lu Papa dmawdacle dkıtyo qull naqla hadiro, dımdafıc a Mşihoye dıkmırdofi bu Madınho Mecoyo u dlatte gado dımdafci ruhaye bu haqlo folitiqoyo. Fatıryarxo Younan, tlıble’ste dmısnodi a Mşihoye dfayşi bu athrathe wu sımle’ste sturyo u plan du şlomo du Madınho Mescoyo dımqadamle u rişono Amerikoyo. Bıthır mi ytawto du Papa, a fatıryarxe hawilın adyawma ytawto camu notarozo du Vatikan-kardinal Pietro Parolin u drışlın cayni sebwotho.

Check Also

YPG maglela cali hiyoyutho da Sohde dmahrawla Turkiya wa marhıbonayda a bethqburathe b’Cafrin

Bi maqırhonutho dıfrıslın a Haylawotho du sutoro du Camo-YPG, maglelın cali hiyoyutho da S…