25/06/2020

Mor İğnatiyos Afrem II. sımle knuşyo cama hsayo d’Suriya

U fatıryarxo di cito Suryoyto Orthoduksoyto Mor İğnatiyos Afrem II sımle knuşyo cama hsayo dkıtne b’Suriya, u drışle acmaye i aykanoyutho du cameydan dıkfoyıt me maşıqlo casqo.

 Bi netije du knuşyano i fatıryarxutho mawdacla, 5 nuqtotho dmıdlın fusqono aclaye.

 Bu knuşyano dathi lu hwoyo cali qrayto dsımle Mor İğnatiyos Afrem II, drışlın a fulhone di cito bu zabno dothe. Bıthır mu droşo dhawi cama hsayo da marcıyotho d’Suriya u da şutose fatıryarxoye, mte lıfusqono dımbayni sictho leşan u tuyobo di Sunedus dıgmisomo bu yarho d’İlul dıbqamuthayna.

Hıdo ma nuqtotho hrene dhawi droşo acla bırwihutho, a esore di dayroyutho u di claymutho, a dayroye wa kohne dcubri bgawe di claymutho u dhowın hfite ba şutose di claymutho u dilonoyith ban athrawotho di golutho.

Bu knuşyo drişo i aykanoyutho du kewo d’Corona u bıthır mıd ftihi a citotho u mid tedbire ba fulhone citonoye. Be bzabno i qadişutho d’Mor Afrem II cama hsayo drışlın u qonuno d’Qaysar u aydarbo hınne xıd cito, kibın dnufqi moro lu camo Suryoyo bu zabnano leşan dılo miathri yaquro.

Check Also

Fatıryarxo Yunan sımle socurutho li mditho d’Alqaryatayn

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan…