Mqadım zminutho leşan i Gala d’Suroyo TV li mcalyutho d’Mor Awraham Yuxanis di cito d’Madınho d’Othuroye
U hasyo di marcitho d’London di cito d’Madınho d’Othuroye-i mcalyutho d’Mor Awraham Yuxanis, sımle socurutho lan abne di citayde dkıtne b’Viyena d’Austoria. U hasyo mrayşanle i slutho du cedo du Fanti Qusti camu kohno di cito qaşişo Ninos. Bu zabno du zawhano’ste, mqadamla i sictho mtaybonitho di Gala d’Suroyo TV, zminutho li mcalyutho du hasyo uli cito, dhudri acmaye bi Galathe.
VIYENA — Yawme d’Huşabo dşafıcina dkıtwe u cedo du Fanti Qusti, mtayıb yawmo dilonoyo bi cito d’Madınho d’Othuroye dkıtyo b’Viyena d’Austoria. Bu Qurobo Alohoyo dsim bi cito, hadır’wo ucamu kohno di cito Abuna qaşişo Nison, u hasyo di marcitho d’London di cito d’Madınho d’Othuroye-i mcalyutho d’Mor Awraham Yuxanis.
Bıthır mu Qurobo Alohoyo simo i masırhonutho du şamoşo Joseph Matti lu darğo d’Afıdyaqun ubu salon di cito’ste maczımi a hadire kulle l’muklo u ştoyo. Bu zawhani qre mimre u sim mamle frişe dsimi d’tahınyotho lu hasyo, lu şamoşo Joseph uli cito u maslım eleye kafe d’warde.
Bebzabno mi sictho mtaybonitho di Gala d’Suroyotv da 2025 dgımisomo adşato 28 bu yarhano b’Wiyena, mqadamla myaqarto Leyla Bahdi zminutho di Gala li mcalyutho du hasyo, l’abuna Ninos uli sictho di cito d’Madınho Othuroye dhudri acmaye bu lalyano u dilonoyo di Gala.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
