© Anmar A. Fadhil, Department of Archaeology, University of Baghdad.
04/07/2025

Mqafe luho b’Bobel dkıtyo slutho leşan u aloho Marduk

Ğrob d’yadıcthone mi bethsawbo d’Münich d’Almanya, mqafelın luho catıqto bi mdito d’Sippar dkıtyo bi hiğmonutho d’Bobel bu Cıraq. Ba buhone dsimi cali luhathe dkıtyo tralfo u mo eşne catıqto, maglelın dkıtyo slutho leşan u aloho Marduk-dkıtwe u msaytırono di mdinoyutho d’Bobel u kmitahke calu şufro ucali catirutho di mdito.

04/07/2025

BETH NAHRIN — A yadıcthone di bethsawbo d’Ludwig Maximilian b’Münich d’Almanya maglelın cala buhone dsımlın cal falqe d’luho d’2.100 eşne catıqto u dımqafyo bi mdito d’Sippar dıknuflo 65 kilometre bu garbyo d’Bobel. U ğrobano da yadıcthone mıstacmelın u teknoloji du Aİ-artificial intelligence leşan dmitalhımi 30 falqe di luhathe bnişo dmifaşqo i kthawtayda.

Dlo mu teknolojiano, gıdlozamwo dore yarixe leşan dmıfhomo i kthawtathe. Bi luhathe dmıstacmıl sefroyutho catırto, kşif dkıtyo qolo-slutho lu aloho Marduk u Bobel dkıtyo i malkutho bi arcathe. Bebzabno kmitahke cala haye di mdito, cala tarce mnaqşayda, cala maye da nahre, i catirutho du kenşo Bıbloyo wu iqoro dkobe la nuxroye wu aydarbo kowe moro la yatume ulani dkıtne twire.

Camathe mahke cala neşe kohne dımcadriwo a neşe bu mahwo du nacimo. U ğrob mawdacle dhathe naqla qamayto’yo dıkmiqafe kthawto catıqto dıkmadilo calu dawrano di athto kohno dkımcadrowa a neşe bu mawlodo du nacimathe.Magle calu status dilonoyo dkıtwola i athto bi mardutho Bıbloyto.

U professor du assyriologi dr Enrique Jimenez dkıtyo u mşalo du ğrobano da yadıcthone kımawdıc’ste di sbutho di athto mahtowa bi tahrazto du yulfono ba madırşotho zabno d’alfo eşne-awkith me 1400 meqım me Mşiho uholu doro qamoyo meqım me Mşiho. U qolano kmitıftakır dkıtyo hdo ma kthawyotho catiqotho dımqafyo mu makthabzabno da Bıbloye.