Mqafe qusro hreno da Şumiroye bu Ciraq
Mqafe qusro catiqo, dıkdocır l’meqım alfayo d’ışne bu Cıraq. U qusrano mqafe bu darbo di methcadronutho dhawi cami bethcatiqotho idıcto d’Britania. U qusrano da Şumiroye dkıtyo arbcalfo u hamışmo eşne catiqo, mqafe b’Tello bu taymno du Cıraq u mahıt bu ışmo; U qusro mvayco.
B’Tello dkıtyo bu taymno du Cıraq kıtwo meqım alfayo d’eşne i mdito d’Girsu da Şumiroye. Bi tarmitho d’Girsu dımtaybo me British Museum bu snodo d’bethcatiqotho d’Amerika, mabde fulhone ba dukotho catiqotho du Cıraq dhzewolın husrono rabo ma hçome barbroye du tukoso marhıbono d’Dacış.
Ba hfaryotho dsımlın a yadıcthone wa arkeolog, mqafelın duktho di slutho lu aloho Şumiroyo Ningirsu. Ha ma yadıcthone Britanoye dım’akadle di mawconutho dkito adyawma cala Şumiroye ğalabe mhadadto’yo, mawdacle’ste ba fulhonani dsimi cal Girsu, gıdmzangıno i idactho dkito cali mdinoyutho catıqtathe.
Bu taro da fulhonani dmabdanwo meqım şato, mqafewolın hol 200 luhyotho u dıkmahkanwo calu qusro mvayco. Ba tayosyotho dlo pilote ubğer fulhone dsımlın a yadıcthone, qadiri bi harayto dkuşfi i duktho du qusrano dhzela ba dore haroyani husrone rabe.
Lfuth a buhone dsimi’ste magle, di mditathe d’Girsu caşwo eba camo me 5.300 eşne meqım me Mşiho uhol 200 meqım me Mşiho. İ mditathe kmifaşqo hdo ma mdinotho ulsoye di yortutho dbritho uheş layto ğalabe mawdconutho acla u calathe gıdmitabde ucdo fulhone, leşan dmihafıd cali dukthathe i catıqto.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
