19/03/2021

Mqafe şarbotho catiqe b’Arbil

Bu zabno da falohe du qlimo d’Kurdistan du Iraq hıfriwo arco bi mdito d’Arbil, mqafelın qahfe u şarbotho dıkducri l’meqım 1.700 eşne.

 Me gabo hreno an arkeolog Franşoye u Norweçoye, mqafelın duktho d’citotho dıkducri lu doro dan arbco bıthır me Mşiho.

Ba buhone dsimi b’Şawaz d’Arbil, mawdıc di dukthathe dımqafın athmıl a qahfe wa şarbotho eba, kıfayşo qarıwto l’duktho hreto catıqto, dheş lo hfiro u dıkmidıc, dkıtyo duktho dıkducro l’meqım 8 alfo eşne u dıkhoyewo meqım eba camo.

Bıthır mıd a falohe mqafelın a qahfani dıkmisım taxmin dkıtne 1.700 eşne catiqe, maklın a hfaryotho leşan u bnoyo d’bınyono cali arcathe. Ba buhone dıkmisomo ucdo, kmibıc dmitagle calu makthabzabno catıqto du Iraq dkıtne an abohothaydan hın ma mtaybone di mdinoyuthayda.

Me gabo hreno bu athro d’Mısır’ste, kull zabno kmiqafe athare makthabzabnoye uba hfaryotho dsımlın an arkeolog bu macırbo du madhıbro du athro, mqafelın athare d’citotho catiqotho, dkibın qeloyotho da dayroye u kthawyotho catiqe du Yawnoyo.

İ wazirutho dcalan an athare d’Mısır mawdacla, da citothani kıducri lu doro rbicoyo u hmişoyo bıthır mu mawlodo d’Mşiho. Ba yarhe haroyani, mqafe ğalabe athare catiqe b’Mısır wu athro kıtle sabro, dmaqwe u haqlayde du turizm.

Check Also

Mor İğnatiyos Yusıf Tlithoyo Yunan hawile ytawto bu Vatikan

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan…