Elyas Haddad dmayith tahte da shifotho bi Antakia
16/02/2023

Mqafyo i şlado du Suryoyo Moronoyo Elyas Haddad beyn da shifotho du hotel dıkfaşwo ebe bi mdito d’Antakia

Mqafyo şlado hreto dha man abne du camaydan tahte da shifotho di zalzale dhawyo b’Turkiya. Elias Haddad d’nahıtwo me Lebnon l’Antakia leşan dımcadır a dıbhe di zalzale b’Turkiya, mqafyo i şladayde tahte da shifotho du hotel dıkfaşwo ebe.

16/02/2023

ANTAKIA, Turkiya – Lfuth i dafo d’Naharnet wu d’961 d’Lebnon, mqafyo i şlado Elias Haddad beyn da shifotho du hotel dıkfaşwo ebe bi mdito d’Antakia. Bu zabno da fulhone dsimi leşan u kroxo dcala şlade beyn da shifotho di zalzale dımhewola i mdito meqım şabtho, mqafo i şlado Haddad dkıtyo man abne du camaydan d’Lebnon u d’claymtho hreto.

İ mawdconuthathe’ste hiwo mu ğrob da 11 du Arzo, dkıtyo falqo ma hayle mdinoye falohe mıstabyone, dnahitiwo l’Turkiya leşan dımcadri ba fulhone du kroxo dcalu camo. U ğrobano da 11 du Arzo’we dmıdwole inisyatif dımcadır a sniqoye di zalzale. U hawro d’Haddad dkıtwe acme bi qeloyto du hotel Basel Habkouk’ste maxlaswo 8 bu yarhano me beyn da shifotho du bınyono dhayıdwo bi zalzale.

Bu mamlo dsımle Habkouk bıthır mahkele, dhuwe wu hawrayde Elias Haddad bu zabno dnahiti a darğe du hotell d’Özhan, shif u bınyono tahtaye. Bebzabno kmitawdıc d’Lebnonoyo hreno-Mohammed al Mohammed heş tahte da shifotho du hotell’yo. 6 bu yarhano, hawiwo 2 zalzale qawye du haylathe 7.8 u 7.5 b’Turkiya u Suriya ubi netiçe, hzewolın a 2 athrawotho şbobe husrone nafşoye u momunoye rabe.