Mşaklo sictho hathto li marcitho du Swed
İ marcitho du di eftrufutho fatıryarxoyto du Swed di cito Suryoyto Ortoduksoyto sımla u knuşyeyda u gawonoyo u mnaqela sicto hathto dkıtyo bi rişonutho d’Robert Xalaf.
SÖDERTELJE, Swed — Bu knuşyo gawonoyo di marcitho du Swed dkıtyo bi rişonutho di mcalyutho d’mor diyosqoros Benyamen Ataş dı hadırle mathlone ma citawotho di marcitho dkıtne bu Swed drışlın i aykanoyutho da citawotho dkıtlın u be bzabno i aykanoyutho di marcitho.
Bıthır ma droşe dhawın cala fulhone di marcitho simi a ğuboye du mawtbo hatho di marcitho li rişonutho du mawtbo mnaqe Robert Xalaf u lu tahlufo du rişono mnaqa Suleyman Kurt me örebro. Mşalo du sanduqo momunoyo Yusuf Aydin, wu tahlufeyde Benyamen Kartal, u notarrozo Sleyman Ataseven, wa hadome hrene dkıtne Birgita Kaya i rişonitho du mawtbo di cito d’Mor Afrem d’Södertelje, Ablahat Şabo, Hanna Gauriye, Gergis Wannes, Nacim Gergin u Robert Abraham.
İ sictathe du mawtbo di marcitho du Swed gımdabro i marcitho zabno dı tarte ışne.
Bıthır mu knuşyano u gawonoyo dsim bi cito d’Mor Marqus dkıtyo bi mdito d’Linköpin u efetrufo fatıryarxoyo di marcitho du Swed Benyamen Ataş mhanele u mawtbo dımnaqe u tlıblın kaşrutho ba fulhone di cito.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
