Mşane kohno di cito Kaldoyto Beljika
U kohno di cito kaldoyto du cameydan b”Mechelen d’Belcika İdris Gabriel Emlek nqil ma hayani a zabnoye bcımro 58 ışne mu kewo du sartono. I slutho du cufoyo du mnohnafşo gıdhuyo i şoctho ba 12 u falge bi cito dkıtyo bi mdito d’Mechelen.
U mnohnafşo d’Abuna İdris Gabriel Emlek mawladwo bi şato da 1964 bi qritho d’Harbol dıknıflo bi mdito d’Hakkari d’Şırnax. Hiye bcımro nacimo mhase u babo mawxa i emeyde hawyo moro elo u la ahunone u ahwotheyde. Hiye mi nacmutheyde kıtwole rıhgo lu leşono Suryoyo mawxa ste binacmutheyde mşarele dı yolıf u leşono suryoyo u leczo madınhoyo, mu taraf d’Abuna Kaşişo Dawud Guneş.
Mi hubo dkıtwole lu leşono Suryoyo u lu darğo di kohnutho hiye bcımro d’15 ışne cam mınyono d’clayme azzınwo lu athro d’Almanya laşan dhırgiyulfono celoyo. U hawxa qrelın ze Hasyo Pawlus Karatay bnişo dhowın kohne.
U mnohnafşo bişato da 1999 mşawtafle a hayeyde cam Vercin Filiz u mu zuwoğano hawilin 4 nacime, u bi şato da 2010 hawi kohno li cito kaldoyto d’Stambıl, u bıthır mşadır xıd kohno lu athro d’Belçika li mdito d’Mechelen.
Bıthır mu kewo dı qayothwole meqım tarte ışne mhase ha Nisin du yarhano. U cufoyo du mnohnafşo d’abuna İdris gıdhowe ramhıl i şoctho ba 12 u falge bicito d’Mexelen d’Belçika. Cal ışme di mdabronutho d’Suroyo TV kımqadmina a buyoyeydan li cito kaldoyto u li iqartheyde u kımmina aloho mhasele.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
