Mşare lumodo b’Yerevan tewlifo calu qtolğenso
Mşarele seminar d’tlotho yawme bi arişkoyto d’Armenia Yerevan, leşan dmitahwe yulfono da malfone, da malfonyotho uda mşale da madraşyotho, calu qtolğenso dsımwola i mamlaxtho da Cuthmanoye ban 1915. U seminarano dımşarele athmıl bi bethcatiqotho du qtolğenso b’Yerevan mahıt ışme; A casqotho du yulfono du qtolğenso du doro da 21 dan Armınoye.
Bıthır ma socurwotho dsımwolın a yolufe da madraşyotho d’Armenia li qoyumtho uli bethcatiqotho du qtolğenso dkıtyo bi arişkoyto Yerevan, xlıqwo droşe yarixe cama malfone ubi harayto a yadıcthone du Enstitut di bethcatiqotho hzelın dkito sniqutho rabtho, dmitahwe yulfono la malfone u malfonyotho cali sbutho du qtolğenso.
Bu tarano, mşarele athmıl seminar d’3 yawme bi bethcatiqotho du qtolğenso. A yadıcthone du Enstitu mırlın; Hzelan du qetro dıkloqın a malfone-qetro didan’yo u dkito şwolo bu şıkıl du tewlifo dcali sbuthathe du qtolğenso. Calathe mtayablan u lumodano bnişo dqudrina d’şorina a qetrani u hathe inaqla qamayto’yo dıksaymina hawxa mede.
U Enstitu mawdacle, bu darbo da droşe dcama yadıcthone Emwothoye, kıqudri a malfone u malfonyotho dfuhmi, aydarbo kmitawlıf calu qtolğensano bğer athrawotho wa yadıcthone’ste me İsroyel, Rwanda, Cambodia uğer’ne. Kmıkle’ste bu seminar calu fhomo du qtolğenso u qento du tathir dkibe tore bi nafşo da yolufe.
Bu zabnano dımqarawle u duxrono du qtolğenso dan Armınoye’ste, gıdmitayıb 24 bu yarhano tagliyotho b’mdinotho frişe d’Australa u b’Fransa, dgımıştawtıfilın a 3 came dmafiti bu Sayfano-awkith u camaydan, an Armınoye u Pontus Yawnoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
