Mşarele adyawma u Lumodo di Mşaynutho b’Munich
U lumodo d’Munich di mşaynutho tibeloyto, mşarele adyawma a’fulhonayde. Lu lumodano kmıştawtıf rişone u mathlone d’100 athrawotho dıbritho, star mu athro d’Rusya dlımşadır ele zminutho.
MUNICH, Almanya – Bu zabno dıkcayşo britho kriz qaşyo du haylo energy udu muklo, mtayıb adyawma u lumodo d’Munich di mşaynutho tibeloyto bi mıştawtfonutho d’96 rişone u mathlone d’athrawotho mşahılfe dıbritho, baynothaye i mcadronitho du rişono d’Amerika Kamala Harres, u rişwazire d’Almanya Olaf Şults, u rişqutno dı Fransa Emanuwel Macron wu rişqutno d’Ukraina Volodomir Ziliniski.
Bu lumodano kmıdroşi a’sebwotho di mudafaca udu deblomasi, ukmıkle bu zyudo dkulle calu qrobo dsımla Rusya calu athro d’ Ukraina dımşarewole 24 bu yarho d’Şbot bi şato da 2022. Bebzabno kmıdrış ste u tathir dıtrle u qrobano cal britho mu haylo du energy hulu timo da muklone.
U lumodano dıkmisım bu qlimo d’Bavaria bu taymno d’Almanya, kımrayşanle Kristof Hyusgen dkıtwe u mşawrono di siyase baroyto di rişathwazire dmeqım Angela Merkel.
Hyusgen bu fuşoqo dhule calu fusqonayde dlımşadarle zminutho l’Rusya, mırle “lıkıbcina d’obina lu rişqutno Vladimer Putin uli şultonuthayde duktho d’platform laşan dfırsi u propagandaththe”.
Camgabıd d’Ziliniski dsımle u mamlo du futoho, Harres wu rabo da mşale di siyase baroyto du Sin Tşin Ranır sımlın mamle bu yawmo qadmoyo du lumodano.
Camgabıd d’Rusya ste, lew fsoso lu İran ulu gabo yaminoyuo tuhmonoyo d’Almanya dmıştawtıfi lu lumodo d’Munich di mşaynutho tibeloyto.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
