Mşarele u lumodo athronoyo di Suriya, dlo me SDF u ma Druze

DARIMSUQ – U rişono du maşıqlo folitiqoyo hatho d’Suriya Ahmad Alşarıc, bu mamlo dsımle makadle dıklozım du athro d’Suriya dlımişahlıf l’haqlo da nesyune, bnişo dmişarır Hulme siyasi dlıkşowın lu athro, ubebzabno makadle ste cali hdoyutho d’Suriya udu zaynayda udıklozım dfoyış balhude masro cami şultonutho. 

Alşarıc bu mamlo dsımle adyawma bu futoho du lumodo athronoyo d’Suriya dımtayıb bu qusro du Camo bı Darımsuq mırle ste “klozım dlısaymina import d’rejime dlıkşowın li aykanoyutho d’Suriya. U athro d’Suriya latyo lu floğo”. 

Alşarıc bu mamlo dsımle l’mowat d’farsufe dmıştawtaflın lu lumodano, mawdacle du qawmo maxlasle Suriya mu viyoco, elo a’casıqwotho heş rabene, u grışle ste u zuhoro cali şultonutho hathto dıklozım dmaydo fusqone qaşye u makıwone u sımle qroyto la Suriye dhowın msaybırone. 

Adyawma mşarelın a’ytawyotho du lumodo du diyalog athronoyo d’Suriya bu taro da fulhone dıksaymolın i şultonutho hathto, bnişo dmadiro u maşıqlo folitiqoyo hatho bıthır mu nfolo du rejim d’Başşar Alasad. 

I şultonutho hathto d’Suriya bi rişonutho d’Ahmad Alşarıc mu zabno dmıdwola i wolithayda mawdacwola dkıbco dımtaybo u konferans du diyalog athronoyo. U kenşo emwothoyo ste ğalabe naqlat ba şabe dşaficina, tlıbwole dhowe mathlonutho la came mşahılfe d’Suriya b’gawıd du lumodano.